مصطفى المزابي-كود برشيد//

أحالت عناصر المركز الترابي ديال سيدي رحال الشاطئ صباح اليوم الثلاثاء 3 ديال الخوت على أنظار الوكيل العام بسطات متهمين بجريمة قتل وقعات نهار الاحد لي داز بدوار الشرفة ببلدية سيدي رحال بسباب الحشيش.

وجاء قرار الإحالة بعدما قضو  المتهمين فترة الحراسة النظرية وإخضاعهم لمجريات البحث التمهيدي بمركز درك سيدي رحال الشاطئ .

وحسب مصادر “كود” فإن سبب الجريمة كيرجع مللي قصد الضحية أحد المشتبه فيه بتجارة المخدرات وتقدا من عندو الحشيش ولكن ما خلصوش، الأمر للي تحول الخصام بين الضحية والجاني تطور الى استدعاء جوج آخرين حيت انهالو عليه بالضرب والجرح بواسطة العصي أصيب على إثرها الضحية بكسور ليسقط وسطا بركة من الدماء الأمر الذي تسبب في وفاته.

المصدر نفسه قال، إن الجناة كانو بزنازا او جا الضحية لي عندو سوابق قضائية في مجال السرقة بغا يهرف عليهم لكن شدوه وعطاو قتلة ديال العصى حتى مات. الشي للي خلا عائلة الضحية والأقارب ديالو كيحتجو؟