وكالات//

قال مفوض البوليس ديال ولاية بنسلفانيا فـ أمريكا، كريستوفر باريس، أن ثلاثـة من رجال الأمن تقتلو، وجوج آخرين تصابو الخميس، فإطلاق نار وقع فبلدة كودوروس.

وأضاف باريس فتصريحاتو للصحافيين أن الشخص اللي كان كيطلق النار حتى هو مات.

وبحسب وسائل إعلام أمريكية، الحادث بالضبط وقع فبلدة “نورث كودوروس” بعد ظهر.

السلطات دعات الناس يبعدو من البلاصة اللي وقع فيها الحادث، حيث كانت الطوارئ منتشرة، وزادت حتى نصحات بزاف ديال التلاميذ باش يلقاو أماكن آمنة يحتميو فيها حتى تهدأ الأوضاع.

نائب حاكم ولاية بنسلفانيا، أوستن ديفيس، كتب فـ “إكس” (تويتر سابقاً) وطلب من الناس يدعيو مع “الضباط وكل اللي كانوا معنيين فإطلاق النار فمقاطعة يورك”.

وما كايناش لحد الآن معلومات دقيقة على شنو وقع بالضبط، ولا شحال من شرطي كان فالمكان، وحتى ما معروفش واش كان شي مشتبه فيهم وتشدو ولا لا.