كود سبور//

وصلو 3 اللاعبين على الوداد الرياضي استعدادا لماتش الفريق اليوم الجمعة مع أولمبيك آسفي ضمن الدورة 13 من البطولة الاحترافية، ما كانوش سافرو مع الحمرا مؤخرا، لمواجهة فريق حسنية أكادير ضمن مؤجل الجولة 11.

وكيتعلق الأمر بكل من زهير المترجي، اللي كان بعدو المدرب فوزي البنزرتي بعد ماتش الوداد الرياضي ويوسفية برشيد، بسبب الانضباط، ودابا وصل على الفريق استعدادا لمواجهة آسفي، وكل من عماد الخنوس ومنير هباش اللي حتى هما وصلو على الكروب.

وكيقلبو الوداد الرياضي على الرباح اليوم الجمعة ضد أولمبيك اآسفي باش يقربو كثر من صدارة البطولة الاحترافية، واخا الماتش غيكون صعيب ضد أولمبيك آسفي اللي باغيين حتى هما يربحو باش يحسنو ترتيبهم.