وكالات//

بعدما تسناو العائلة ديالو ثلاثة ديال السيمانات كاملين، أخيرا وصلات الجثة ديال الموسيقي البريطاني ليام باين للبلاد ديالو، وغادي يقدرو يديرو ليه جنازة ويدفنوه حداهم.

هادشي جا بعدما مات باين في الأرجنتين نهار 16 في الشهر لي فات، بعدما طاح من البالكون ديال الطروازيام إطاج ديال لوطيل لي كان فيه.

على حساب مقالت بزاف ديال التقارير الصحفية البريطانيا ف التأخير ديال وصول الجثة ديال الموسيقي لي كان عوض في الفرقة المشهورة “وان ديريكشن” كان بسبب لونكيط لي حلوه.

ولقاو البوليس ديال الأرجنتين بعد تشريح الجثة ديالو أن ليام كان ضارب بزاف ديال المخدرات، ولكن تصدمو فين لقاوها مخلطة مع مواد أخرى خطيرة ممعروفاش.

ودابا راه تحل أونكيط آخر باش يعرفو منين جاب هاد المواد لي كان كيستعملها.