كود سبور//

استغلو ثلاثة الرياضيين من الكونگو الديمقراطية التواجد ديالهم مؤخرا فأولمبياد باريس2024، وحرگوا ففرنسا.

وكشفت وسائل إعلام فرنسية، أن 3 ديال الرياضيين من أصل 6 من الكونگو الديمقراطية اللي مشاو يشاركو فأولمبياد باريس2024، غبرو وهما ففرنسا وما رجعوش للكونگو الديمقراطية.

وحسب الإعلام ديال الكونگو الديمقراطية، فكل من السباح أريستوت ندومبي إمبيلينگا والجيدوكا أرنولد داسو كيسوكا والعداء دومينيك لاسكوني مولامبا غبرو مع حفل اختتام أولمبياد باريس2024، وما بقاوش بانو وما رجعوش لبلادهم.