كود – مكتب الرباط//

الضحك الخاوي ديما خارج على مولاه وكاين لي مكيفرفقش بين شي حاجة معقولة وشي حاجة ديال الضحك وتفلية. كولشي عاقل على جريمة شمهروش بإقليم الحوز الإرهابية اللي ماتو فيها جوج سائحات وتعود أطوارها إلى نهاية السنة الماضية. هاد القضية صيفطات شيفور طاكسي للحبس.

هاد الشيفور ديال طاكسي المتابعة في حالة اعتقال حكمو عليه بثلاثة سنوات سجنا نافذا مع أداء غرامة مالية نافذة قدرها عشرة آلاف درهم. المعني بالأمر كان قد بعث فيديو يوثق لعملية ذبح السائحتين على تقنية الترسال الفوري “واتساب” لكن جابها فراسو ف الأخير.

وكان هاد شيفور طاكسي قد اكد أنه بعث داك الفيديو لكروب ديال جمعية إقامته السكنية على الواتساب، مقرا بأنه توصل به من أحد أصدقائه ومعندو حتى شي علاقة بالارهاب.