سامي العلوي – كود اكادير //

شهد دوار تكاديرت التابع لجماعة الدراركة حالة استنفار كبيرة نهار الخميس من بعد ما بانت أعراض صحية على 26 شخص فيهم 4 قاصرين من بعد مشاركتهم فحفل زفاف فالمنطقة

وتم نقل جميع المصابين على وجه السرعة للمستشفى الجامعي بأكادير فين خضعو للفحوصات والعلاجات اللازمة
أما القاصرين بقاو تحت المراقبة الطبية ومن بعد تحسن الحالة ديالهم خرجو من المستشفى

حتى لدابا مازال السبب ديال هاد الحالات مامعروفش ومازال ماتأكداتش فرضية أنو الوجبات ديال الحفل هي السبب حنا كانتسناو نتائج التحاليل والتحريات الصحية اللي مزال خدامين عليها

الواقعة رجعات كتهضر مرة اخرى على ضرورة احترام شروط السلامة فحفظ وإعداد وتقديم الماكلة فالمناسبات اللي كيكون فيها تجمع كبير ديال الناس باش ما يتكررش بحال هادشي