الرئيسية > آش واقع > 25 اسباني ملثمين هجمو على مركز القاصرين فكتالونيا والبوليس هربو 35 قاصر مغربي
11/03/2019 13:30 آش واقع

25 اسباني ملثمين هجمو على مركز القاصرين فكتالونيا والبوليس هربو 35 قاصر مغربي

25 اسباني ملثمين هجمو على مركز القاصرين فكتالونيا والبوليس هربو 35 قاصر مغربي

يونس أفطيط – كود//

بلدة “كاستيل ديفيلس” فإقليم برشلونة عرفات أول أمس السبت هجوم خايب من طرف 25 صبليوني ملثمين، على مركز لإيواء القاصرين لي فيه 35 قاصر أغلبهم مغاربة.

البوليس حسب صحيفة “ال باييس”، قالوا أن هاد لبراهش القاصرين دخلوا فمناوشات مع مموعة من الشباب الاسبان فوسط البلدة يوم السبت، ومن بعد ملي رجعوا للمركز لحق بيهم 25 شاب ملثم، وهجمو على المأوى وبداو كيضربو بلحجر.

المؤطرين ديال المركز لقاو راسهم أمام شتا ديال لحجر كطيح عليهم، وكاين مؤطر تقاس بشكل خايب فيما جوج اخرين تجرحو.

الصحيفة قالت أن الهجوم تكرر مرة أخرى، وهادشي لي خلا البوليس يهز القاصرين ويديهوم لمركز ايواء القاصرين فإقليم تاراغونا.

موضوعات أخرى