كود -وكالات//

من نهار بدات الحرب، إيران طلّقات كثر من 400 صاروخ باليستي على إسرائيل، وقدّرات تتعرض لـ 92% منهم، هاد الشي حسب ما قال المتحدث العسكري الإسرائيلي نداف شوشاني اليوم الأحد، وزاد قال: “حققنا نسبة اعتراض مزيانة بزاف، وصلات تقريباً لـ92%، فـ4 بلايص فين كانو ضربات مباشرة.”

أما بخصوص الضربات ديال البارح السبت، فمستشفى سوروكا فإسرائيل قال بلّي عدد المصابين من الهجمات الصاروخية الإيرانية اللي استهدفات مدينتي ”عراد وديمونا“ فالجنوب وصل لـ200 واحد. السبيطار وضّح بلّي استقبل جميع المصابين فقسم المستعجلات، وكانو 78 واحد من ديمونا حالتهم خطيرة، و115 مضروب من عراد منهم 9 حالات خطيرة.

وفنفس الوقت، القيادة العامة لقوة دفاع البحرين قالت نهار الأحد بلّي أنظمة الدفاع الجوي ديالهم نجحات تعتارض وتدمّر 145 صاروخ و246 طائرة درون اللي كانو مستهدفين البحرين من نهار بدات الهجمات الإيرانية.