وكالات//

فرضات إدارة السلامة والصحة المهنية في ميريكان غرامة على مصنع شوكولاته “مارس ريغلي” في بنسلفانيا بعدما طاحو جوج ديال الناس خدامين في الشكلاط وتعرضات حياتهم للخطر.

باش يعتقوهم تقبو القاع ديال الوعاء الكبير فين كيخلطو الشكلاط وخواوه كامل باش يقدرو يعتقوهم.

العملية ديال الإنقاذ شارك فيها كثر من 20 واحد حيت القضية كانت خايبة بزاف وكان ممكن يموتو.

وتم تغريم مصنع “مارس” في مدينة إليزابيثتاون بكثر من 14.500 دولار من قبل إدارة السلامة والصحة المهنية.