كريم الصوفي – كود//

[email protected]

قالت وسائل إعلام إيطالية، أن 2 محابسية مغاربة هربو من الحبس ديال منطقة تراني ف الطاليان، قبل ما يتمكنو البوليس من اعتقال واحد فيهم، البارح الأحد، المعروف باسم مروان وكيبلغ من العمر 24 عام، وتم اعتقالو ف محطة الترانات ديال بارليتا.

وأضافت التقارير ذاتها، أن الهارب الثاني هو اللي مزال ما تشدش والبوليس داير حالة استنفار بسبابو لأنه مصنف “خطير” أمنيا، كما سبق ليه التسبب ف مشاكل أثناء الاعتقال. هاذ المحابسية بجوج كتسناهم المحاكمة بتهمة ارتكاب جرائم ضد الممتلكات والسطو. قدرو يهربو بطريقة كلاسيكية عبر استخدام لغطايات ديال الفراش ف صنع حبل للتسلق..