كود – كازا ///

نشر الموقع الإخباري “إل فارو دي ثيوتا”، مؤخرا، خبرا عن عودة فانطوم “الحريگ المجاني” للظهور بسواحل شمال المملكة، مرفوقا بفيديو من الموقع المحلي “بريس تطوان”.

وقال الموقع الإسباني أن الفانطوم بان فسواحل بليونش والصبليونيين اللي كانو فيه عيطو على المغاربة اللي كانو كيعومو وركبو معاهم تقريبا شي 8 ديال الأشخاص ومشا القارب السريع ف اتجاه الشواطئ الإسبانية وفي الفيديو كيبان رجل من القوات المساعدة المكلفة بالحراسة كيجري باش يعرف أشنو واقع.

وحسب الموقع ذاته، تمكنات دورية ديال الحرس المدني من اعتراض الفانطوم وشدو 2 صبلونيين، كما تم توقيف 8 مهاجرين مغاربة على متن القارب. وسيمثل المعتقلان أمام القضاء.

وفي صيف 2018، بانت قوارب الفانطوم اللي كانت كتهز المغاربة فابور وكتحرگهم للجنوب الإسباني، قبل ما يبان أن القضية وراها عصابة ديال بارون مخدرات واجه متاعب وصعوبات في تهريب الحشيش مع الحرس المدني والبحرية الملكية وبغا ينتقم منهم بهذيك الطريقة.

https://elfarodeceuta.es/traficantes-personas-dos-detenidos-guardia-civil-pleno-pase/amp