كود سبور//

خدامين 2 شركات فمركب محمد الخامس بالدار البيضاء وكيوجدو فالتيران، على قبل مشاركة الوداد الرياضي فمسابقة السوبر ليك الإفريقي اللي غتلعب ما بين 20 أكتوبر و11 نونبر.

وكشفت مصادر ’’كود‘‘ أن مركب محمد الخامس بالدار البيضاء فيه أشغال على قدم وساق فالكازو ديال التيران، باش يكون واجد لمشاركة الوداد فالسوبر ليك ابتداء من ماتش الفريق ضد انييمبا النيجري السمانة الجايا، وأن شركة مصرية هي اللي خدامة كتصلح وكتصاوب فيه.

نفس المصادر، قالت أن ستاد دونور، فيه حتى شركة من الطاليان، والعمل ديالها مركز على لانسطلاسيو ديال ماطيريال التصوير وإنتاج ونقل الماتشات د الوداد فالسوبر ليك الإفريقي، وهذا الشي كامل باش المسابقة تعطي صورة زورينة وإشعاع للكورة الأفريقية عالميا.