كود كازا //

الرحلة AT 255 من مطار جدة الدولي بالسعودية لمطار محمد الخامس فكازا تلغات. وفق مصادر “كود” كاين 180 معتمر حاصلين فالمطار. كيعيشو دابا فيه. دازت دابا 35 ساعة ومازال حاصلين.

الشاف ديسكال ديال “لارام” قال ليهم باللي كاين عطب تقني فالطيارة اللي كانت غادية اسوري الرحلة. المشكلة امو ما كاينش بديل. حسب احد المتضررين هاد المسؤول قال ليهم ول البارح باللي الويكاند وما عندوش مع من يهدر. كلام ما يستاقمش. ما يمكنش. ديما “لارام” عندها اللي كيتكلف يحل هاد النوع من الطوارئ يوضح مصدر ل”كود”

دابا هاد الناس حاصلين ومهددين يخرجو من المطار. خايفين حقاش عندهم فيزا بدخلة وحدة.