خاص.. وضع المنسقة الجهوية لحزب سياسي بجهة فاس مكناس فالحراسة النظرية بسبب قضية كبيرة ديال النصب والاحتيال والتزوير
كود سبور//
ضمنت الجامعة الملكية المغربية لكرة القدم مبلغ 17 مليون دولار، من بعدما تأهل المنتخب الوطني المغربي إلى ربع نهائي كأس العالم قطر 2022، ملي ربح منتخب إسبانيا فثمن نهائي البطولة.
وقدر المنتخب الوطني المغربي يحسم التأهل لربع النهائي كأس العالم قطر 2022، وبالتالي ضمن الحصول على مبلغ 17 مليون دولار، وهي الجائزة اللي مخصصها الاتحاد الدولي لكرة القدم “الفيفا” للمنتخبات اللي كتوصل للدور الثالث من البطولة.
وغادي يكون عند المنتخب الوطني المغربي فرصة جديدة باش يزيد يرفع من الجائزة فحالة ربح البرتغال فربع النهائي وتأهل لنصف نهائي كأس العالم، حيث الاتحاد الدولي لكرة القدم، مخصص مبلغ 25 مليون دولار للمنتخب اللي غادي يحتل المركز 4 ومخصص مبلغ 27 مليون دولار للمنتخب اللي غادي يحتل المركز 3 فالبطولة.
وغادي يعطي “الفيفا” مبلغ 9 مليون دولار للمنتخبات اللي لعبت لكروبات فكأس العالم قطر 2022، والمنتخبات اللي وصلت لثمن النهائي كتزادها 4 المليون دولار وبالتالي كتصبح 13 مليون دولار، ثم المنتخبات اللي كتوصل لربع النهائي كترتفع عندها الجائزة لمبلغ 17 مليون دولار، وصاحب المركز الرابع عندو 25 مليون دولار، والمركز الثالث 27 مليون دولار الوصيف 30 مليون دولار والبطل اللي غادي يهز كأس العالم غادي ياخد 42 مليون دولار.