كريم الشركي-كود///
محكمة ألباسيطي الصبليونية، حكما على مغربي ب 17 عام وربع شهور دالحبس، بسباب تورطو فقضية كتتعلق بالاعتداء الجنسي على ثلاث قاصرات، هوما بنات ختو.
مصادر إعلامية صبليونية، قالت ان المحكمة برأت الأم من تهمة التقصير فمراقبة بناتها، اما خوها المتهم فهو مطالب بأداء غرامة 16 ألف يورو لبنات ختو، بسباب الأضرار النفسية اللي وقعات ليهم من هادشي.
وبالمقابل تقول ذات المصادر، بأن المتابع في القضية، لن يقضي كامل العقوبة في السجون الاسبانية، لأن طرده سيتم الحسم فيه، بمجرد قضائه نصف المدة.
الخال المتهم، كان كيستغل غياب ختو من الدار وكيبدا يستغل البنيتات جنسيا، اللي كان كيستغلهم وفعمرهم تسع سنين وربعطاش العام، بحيث كان كيمارس عليهم الجنس سطحيا.