نجوى المالحي- كود//

سارة أبو جاد اللي مشهورة في عالم مواقع التواصل جامعة الفلوس حسي مسي. السيدة مكلفة شي وحدين كيدورو على الصفحات ويقولو بأنها غادي تدير مسابقة باش اللي بغا يكبر عدد المتتبعين في صفحتو يشارك.

سارة دايرة الثمن ديال المشاركة هو 1500 درهم لكل واحد، وهي غادي تضمن ليهم 40 ألف متتبع.

في العادة سارة كيشاركو معاها 100 واحد اللي في المجموع كيعطيو 15 مليون سنتيم و كتخرج منها مليون سنتيم، يعني كل فائز كتعطيه 500 درهم، وما تبقى كديرو في جيبها.

اضافة لهاد النوع من “النصب” الافتراضي الجديد، مجموعة من الناس كيشككو في المشكل اللي بينها وبين راجلها اللي قال انهم تفارقو، وكيقولو بأن هادشي غير بوز باش يطلعو الريتش ديال صفحاتهم بعدما مات ليهم الحوت وتنساو وسط هاد الكم كبير ديال صناع المحتوى لي بانو مؤخرا ولي فعلا عندهم ما يقولو.