وكالات//

حكمات محكمة في الكويت على واحد الطبيب بالحبس وغرامة ثقيلة بزاف بعدما كتاشفات أنه تخلص على الخدمة ديالو لمدة 15 عام واخا هو مابقاش خدام فيها.

وحكمات المحكمة على هاد الطبيب ب5 سنين ديال الحبس، وغرامة مالية فاتت 3 ديال المليار سنتيم مغربية.

وقالت المحكمة أن السيد كان خدام في مصحة تابعة للحكومة الكويتية وواخا مابقاش خدم فيها ومشا هاجر خارج البلاد، بدا كيشد الفلوس لمدة 15 عام كلها.

الحكم كان غيابي لأنه مكينش في البلاد، ومكشفاتش المحكمة على اسم الطبيب، ولكن يقدر ليه يستانف القرار ايلا دخل للبلاد.