وكالات //

هزو 12 واحد من ركاب طيارة كانت غادية من أستراليا للشيلي، للسبيطار، بعدما تعرضات الطيارة لمشكل تقني بسباب واحد العطب هوائي وقع ليها ف السما.

على حساب ماقالت الصحافة الأسترالية فهاد الطائرة من طراز بوينغ 787 دريملاينر فقدات الارتفاع ديالها بسباب واحد العطب هوائي الفوق، وهو شاي لي خلا الركاب لي مكنوش لابسين السمطة يتضرب ليهم راسهم مع السقف ديال الطيارة.

الطيارة وقع ليها مشكل تقني، وهو شي لي خلاها تهبط اضطراريا في مطار مدينة أوكلاند في نيوزيلاندا.

وداو دابا المصابين بـ12 بيهم للسبيطار في نيوزيلاندا وأغلبيتهم إصاباتهم عادية.