گود سبور//

أكد شاكيل ولد الأسطورة الهولندية فان بيرسي من ام مغربية، مرة اخرى انه مازال ما حسم الاختيار ديالو بخصوص المنتخب اللي غادي يلعب معه واش المغرب ولا هولندا.

وخلال حوار له مع شبكة ESPN جاوب تاني المهاجم الشاب شاكيل ولد فان بيرسي على السؤال اللي كان اتطرح عليه قبل اسابيع بخصوص المنتخب اللي غادي يلعب واش المغرب ولا هولندا، وقال مهاجم فاينورد الهولندي: “لا مازال ما قررتش، وفالصراحة ما كانفكرش فهاد الشي بزاف”.

وكمل ولد فان بيرسي وقال: “إلى جاتني الفرصة غادي نختار، ولكن دابا راني مع فاينورد وخدام باش نكون فأحسن مستوى ولياقة بدنية مزيانة، وكانتمتع بوقتي هنا، وهذا الشي اللي مرمز عليه”.