كود -وكالات//

النجمة العالمية Taylor Swift باغا تحمي صوتها وصورتها من الاستعمال ديال الذكاء الاصطناعي، داكشي علاش قدمات طلبات جديدة باش تسجل علامات تجارية كتهم مقاطع صوتية ديالها وصورتها.

المحامي المختص فهاد المجال وضّح أن هاد الطلبات “مصممة خصيصاً” باش تحميها من تقليد صوتها أو صورتها بطرق رقمية.

المشكل الكبير اليوم هو أن قوانين حقوق النشر ما بقاتش كافية، حيث الذكاء الاصطناعي ما كيحتاجش ينسخ عمل موجود، ولكن  كيخلق واحد جديد كيشبه للأصل، وهنا كيبان الفراغ القانوني.

هاد القضية  ماشي غير عند تايلور، حتى فنانين آخرين بداو كيديرو نفس الشي ، غير هو الفنانة تايلور الملايرية لي عندها جيش ديال المحامين وبغات تحمي مشروعا الفني ، براسها استفادات بشكل كبير من إعادة التوزيع والميمز والمحتوى اللي صنعوه لي فان على الإنترنت، ولي ساهم بشكل كبير باش تبني صورتها وهي اليوم باغا تجبس هاد النوع من التفاعل قانونياً الشي كيخلي بعض النقاد الفنيين ينتاقدوها.