كود -وكالات//

كشفات معطيات علمية جديدة فضومين الفيزيولوجيا التناسلية أن الجسم ديال الراجل كينتج السائل المنوي بكميات صغيرة ولكن مستمرة تقريبا طول حياتو الجنسية .

وحسب المعايير ديال منظمة الصحة العالمية فآخر تقرير لها عام 2021، الحجم ديال القذفة الوحدة  بين 1.5 و5 ميليلتر، أما فالمتوسط قريب من 3.7 ميليلتر.

ومن جهة أخرى، دراسة منشورة فمجلة Human Reproduction بينات أن الرجال النشيطين جنسياً كيقذفو تقريباً بين جوج حتى ثلاثة مرات فالسيمانة ، وهاد المعدل كيختلف حسب العمر والصحة ونمط الحياة.

ويلا اعتمدنا على فترة النشاط الجنسي اللي كتكون غالباً ما بين  15 و65 سنة، كيتقدّر عدد القذفات فحياة الرجل ما بين 5200 و7800 مرة تقريباً.

وإلا جمعنا هاد الأرقام وضربناها فمتوسط حجم القذفة، كنوصلو لمجموع كيتراوح بين 15 و22 لتر من السائل المنوي خلال الحياة كاملة.

وأكدات دراسة أخرى منشورة فمجلة Andrology عام 2019 أن هاد الإنتاج ماشي ثابت، ولكن كيتأثر  بالعمر، التغذية، الحالة الصحية، و التستوستيرون.