كود -وكالات//

فواحد الدراسة علمية الباحثين لقاو أن طريقة توزيع الدهون فالجسم كتأثر بزاف على صحة الإنسان، وماشي غير الوزن هو المهم. بزاف ديال الناس كيركزو غير على الميزان ولا مؤشر كتلة الجسم، ولكن هاد الشي ما كيعطيش الصورة الكاملة.

الدراسة بينات أن الدهون لي كتتجمع فالبطن، المعروفة بـ”الكرش”، هي الأخطر، هاد النوع ديال الدهون كيدور على الأعضاء الحيوية بحال القلب والكبد، وكيكون مرتبط بأمراض د بحال السكري، ارتفاع الضغط، الكوليسترولل، ما كيكبر محيط الخصر، كيزيد خطر الوفاة المبكرة.

من جهة أخرى، الباحثين لاحظو أن الناس لي عندهم المراود عامرين ولفخاض عراض، كيكون عندهم خطر أقل ديال الموت، السبب هو أن هاد المناطق كتخزن الدهون بطريقة أقل ضرر، وحتى كتكون مرتبطة بالعضلات لي كتلعب دور مهم فتنظيم السكر والدهون فالجسم وبالتالي ماليها كيعيشو كثر.

وكيأكدو الباحثين أن الوقاية كتبدا بمراقبة نمط العيش، التغذية المتوازنة، والنشاط البدني، حيث الهدف ماشي غير نقص الوزن، ولكن توزيع صحي للدهون فالجسم باش نقللو من خطر الأمراض ونعيشو حياة طويلة وبصحة مزيانة.