كود – كازا ///

أدانت محكمة جنايات دينانت، مؤخرا، بلجيكي فبرك سرقة الطوموبيل ديالو فالمغرب باش يحتال على لاصورانص ف 80 ألف يورو. المشتبه به تحكم بمحاولة السرقة والاحتيال وتحكم عليه بـ10 شهور ديال الحبس.

وقام المتهم بفبركة سيناريو سرقة الطوموبيل ديالو (مرسيدس AMG C63) ف المغرب باش يحتال على لاصورانص ف 80 ألف يورو. المتهم تفرش من لاصورانص اللي كرات محقق خاص دار التحريات ديالو واكتشف أن السرقة غير عادية.

وتمكن المحقق من الوصول إلى بيانات نظام “ج ب إس” ديال الطوموبيل واخا تم تعطيله يوم 26 شتنبر 2018، اللي خلاه يتأكد أن الطوموبيل عبرات الحدود المغربية وبقات تماك، كما تم التوصل للشيفور اللي اعتارف بكلشي.