كود زنزبار ////

علمت “كود” باللي ناس نادي نهضة بركان حصلو هاد الصباح شي وحدين من “سيمبا” التنزاني باغين يدورو مع شيفور الكار ديال بركان باش يطلق عليهم سبراي يدوخهم ويخليهم مرخيين.

هاد الشي جا بعد حصار كامل دارو النادي للعابة ديالو من نهار وصلو يوم 22 ماي باش يلعبو إياب فينال كأس الكونفدرالية الأفريقية لكرة القدم.

وفق مصادر “كود” اللعابة من نهار جاو كياكلو غير الماكلة اللي كيوجدها ليهم طباخ جابوه معاهم وما يمسحو إلا ففوطات فأوطيل “بارك حياة” إلا من فوطات شخصية ديالهم.

حسب مصادر “كود” حتى الغرف ديالهم كتكون مراقبة ديما باش ما يدخل ليها حد باش كيكونو فالتداريب.

واليوم موعد النهائي، تضيف مصادر “كود” تسلمو سوارت الفيستيار فالصباح ونظفو كلشي وخلاو واحد حاضيها حتى توصل الفرقة.

الروتور غادي يتلعب مع الربعة التوقيت المحلي الجوج التوقيت المغربي وكان لالي ربحاتو بركان بجوج لزيرو.

https://web.facebook.com/watch/?mibextid=wwXIfr&v=1420006316091045&rdid=y8du13wlt1SYocQY