كود سبور//

منظمة “گلوري” المختصة فتنظيم الكومبات الاحترافية ف رياضة “الكيك بوكسينگ”، كشفات موعد الكومبا القادم للبطل المغربي جمال بنصديق، اللي غادي يدار ف 23 أكتوبر الجاي.

وقالت “گلوري” انه ف هاد الأمسية غادي يكون كومبا كبير بين الهولندي ريكو فيرهوفن ومواطنو أليستر أوفريم، ف الوزن الثقيل.

وف نفس الليلة غادي يتواجه بنصديق اللي هادي 3 سنين وهو غايب، والروماني بينجامين أديغبويي.

وبزاف كيعتابرو هاد الكومبا “نزال الثأر” حيت أديغبويي كان طيح بالضربة القاضية البطل المغربي بدر هاري ف 2020، وكان خسر الروماني امام بنصديق ف 2018.