الرئيسية > كود-تيفي > يوتوبور مفطر دراري فالنهار برمضان جبد عليه الصداع.. ومحامي: هادشي ماكيجرموش القانون – فيديو
20/04/2021 18:00 كود-تيفي

يوتوبور مفطر دراري فالنهار برمضان جبد عليه الصداع.. ومحامي: هادشي ماكيجرموش القانون – فيديو

يوتوبور مفطر دراري فالنهار برمضان جبد عليه الصداع.. ومحامي: هادشي ماكيجرموش القانون – فيديو

عفراء علوي محمدي- كود//

كلشي كيهضر على اليوتوبر (أمين ر.)، اللي دار تحدي لشي دراري ففيديو، وطلب منهم ياكلو طرف ديال الشباكية مقابل 100 درهم، والمفاجأ ان بعض الشباب قبلو، وفطرو رمضان فالنهار الكَهار.


الهجوم اللي واجهو اليوتوبور خلاه اخيرا يقرر يحذف الفيديو من لاشين ديالو، واخا بقا مازال كيسركل، قبل ما يقرر يخرج للإعلام فتصريح، هو والمستجوبين اللي كانو معاه، باش يوضحو لناس أن الفيديو تصور قبل ما يدخل رمضان بنهار.

واش فري تجربة اجتماعية ولا بصح؟

وكاينين ناس اللي شافو انه ماكانش فيديو مفبرك كيف ادعى أمين، بحيث معلقين كثار قالو أن اليوتوبر باين استغل هشاشة هذ الدراري والفقر ديالهم باش يرغمهم ياكلو رمضان، ويطلع عليهم نسبة المشاهدات، ويعرض حياتهم للخطر والمتابعة القانونية بالفصل 222 من القانون الجنائي اللي كيجرم الإفطار العلني.


فالمقابل، كاين اللي ماشاف فالعمل حتى شي مشكل، سواء كان فرمضان أو خارجود وان الدراري كبار وماستغلهم حد، وأكلهم لرمضان مان بطواعية منهم، ومن جهة خرى فهذ الفعل ممكن يكسر قدسية العادات المجتمعية، ويخلي الناس نهار على نهار تتقبل تشوف بنادم واكل فرمضان، فافق تغيير القوانين الرجعية.

القانون المغربي ماكايحاسبش اللي فطر شي حد

فتعليقو على هذشي، قال المحامي عن هيئة الرباط، محمد ألمو، “القانون الجنائي المغربي لا يجرم ولا يعاقب الأفعال المسماة ب”التغرير بالصائم”، أو “دفعه للإفطار”، أو “إغواؤه” أو “مساعدته على الإفطار””.

وزاد أن واخا هذشي اللي قام بيه اليوتوبور عمل غير مقبول عند البعض، لكن “هذا فعل غير مجرم وغير معاقب عليه”، حسب هضرتو.

موضوعات أخرى

19/03/2024 09:30

عدد السكان اللي بالغين لسن النشاط (15 عام والفوق) فات فبلادنا 27 مليون شخص.. مندوبية التخطيط: 63,5 فالمية ساكنين فالوسط الحضري

19/03/2024 08:00

بن عبو لـ”كود”: موجة حر استثنائية فبلادنا وهاد السيناريو المناخي كيزيد تطرفا عام بعد عام وهادشي يؤكد أن الصيف الجاي غادي يكون حار وجاف وصعيب

19/03/2024 05:00

جورنال “الدايلي مايل ” بغا يحبس الشائعات لي كتسركل على الأميرة كيت: شهود شافوها كتدور مع راجلها وولادها