الرئيسية > تبركيك > يا نساء الحكومة ابن عرفة كيضحك عليكم عنداكم تصدقوه. رئيس الحكومة ما قدرش يخرج مرسوم يحدد مهامهم وجابهم لدارو بوجهو حمر
11/10/2017 15:15 تبركيك

يا نساء الحكومة ابن عرفة كيضحك عليكم عنداكم تصدقوه. رئيس الحكومة ما قدرش يخرج مرسوم يحدد مهامهم وجابهم لدارو بوجهو حمر

يا نساء الحكومة ابن عرفة كيضحك عليكم عنداكم تصدقوه. رئيس الحكومة ما قدرش يخرج مرسوم يحدد مهامهم وجابهم لدارو بوجهو حمر

كود كازا ////
ابن عرفة اللي تصلط علينا وولى رئيس الحكومة كيضحك على نساء حكومته او الحكومة اللي داروها ليه. بلا حيا بلا حشمة جمعهم فدارو البارح عاشر اكتوبر بمناسبة اليوم الوطني للمرأة المغربي الوزيرات او =كاتبات الدولة= طبعا ماشي كلشي. ابن عرفة كتب تدوينة على صفحته قال فيها ان هاد الاستقبال ” تعبيرا منه عن التقدير والاحترام الذي يوليه للمرأة واعترافا المجهودات التي تقوم بها المرأة في مختلف المجالات”. واضاف “تحية خاصة للمرأة المغربية كل واحدة من موقعها” واضاف ان “المرأة المغربية لعبت دائما أدوارا مهمة، ليس فقط في المجالات التي يقال إنها تبقى حكرا على المرأة، ف”المرأة المغربية متفوقة ونقدم لها عبارات الشكر والامتنان بمناسبة يومها الوطني”.

دابا جاب وزيرات ما قدرش هو يخرج مراسيم تحدد مهامهم ودابا منذ تعيين هاد الحكومة وهما تالفات كيجريو بلا خدمة بلا مهام واضحة. ابن عرفة خاف من الوزراء اللي قالو ليه. ايلى بغيتي تعطيهم اختصاصات خليهم تابعين ليك ماشي لينا” وهو يقلب ويخاف. اليوم بلا ما يحشم كيكتب التقدير والاحترام. موحالش النساء كانو محكورات فشي حكومة بحال هاد الحكومة.

فاخر تدوينتو جات معبرة “عبر عن أمله في أن تعزز مكانة المرأة أكثر في الحكومات المقبلة”. السيد عارف راسو ابن عرفة وما غادي يدير والو للمرأة. قال للنساء وتسناو الحكومات المقبلة.

موضوعات أخرى

28/03/2024 14:45

بوليس سيدي قاسم شدو 4 فيهم واحد قاصر بانو ف فيديو هازين السيوفا وكيسبو فمؤسسات وموظفين عموميين وكيحرضو على تنفيذ اعتداءات

28/03/2024 14:28

واش الحكومة غاتحل الحمامات مور الشتا لي طاحت.. بايتاس لـ”گود”: على حسب كل إقليم والوضعية ديال الماء فبلادنا صعيبة ونسبة الماء لي دخلات للسدود ضعيفة

28/03/2024 14:22

تعيينات جديدة فمناصب عليا دازت اليوم فمجلس الحكومة: منهم مدير المحروقات ومدير الموارد البشرية فوزارة الخارجية

28/03/2024 14:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 13:30

وزير النقل للساقطين فامتحان البيرمي: غانعطيوهم فرصة جديدة ومغاديش يتحسب امتحان الاثنين والهدف من الأسئلة الجديدة هو نقصو من الكسايد