كود كازا //
الملاكم أبو زعيتر لي كسلو الرابور ديزي دروس في كلاش “المتنبي” جاوب بطريقة غير مباشرة على الهضرة القاصحة بسيلفي مع الملك محمد السادس.
دخل الملك فامور ما عندو علاقة بيها، شفتو التخلف وعلاش ديما كننتاقدوه. هو سبك وسبو ولا جاوبو بلا ما دخل رئيس الدولة.
ابو زعيتر لي تشهر بزاف في المغرب بعد ظهوره أكثر من مناسبة مع الملك محمد السادس مدواش بزاف دار تصويرة مع الملك، وموراها صورة ديال حديث نبوي. يا ودي يا ودي.
ديزي دروس هو حديث مواقع التواصل من البارح حيت الكلاش لي خرج كان قاصح وجبد فيه ضواسة ديال البيكَ ودق فيه على بزاف ديال السميات لي معروفين في المغرب، وفساعات قليلة طيح الدون من الطوندونس المغربي في اليوتوب.
