الرئيسية > آش واقع > ياك بوريطة كيقول بأن الدول خاصها تعبر على مغربية الصحرا فين هاد الموضوع من مؤتمر المغرب ودول جزر المحيط الهادي
28/02/2020 10:30 آش واقع

ياك بوريطة كيقول بأن الدول خاصها تعبر على مغربية الصحرا فين هاد الموضوع من مؤتمر المغرب ودول جزر المحيط الهادي

ياك بوريطة كيقول بأن الدول خاصها تعبر على مغربية الصحرا فين هاد الموضوع من مؤتمر المغرب ودول جزر المحيط الهادي

الوالي الزاز -كود- العيون ////

[email protected]

تشهد مدينة العيون تنظيم مؤتمر المغرب ودول جزر المحيط الهادي، بحضور 12 دولة يمثلها رؤساء حكومات ووزراء خارجية ومندوبيها بالأمم المتحدة، قصد مناقشة جملة من المواضيع المرتبطة بالتغيرات المناخية وقضايا ذات إرتباط بالتنمية الإقتصادية.

ناصر بوريطة سبق ليه اكد ان الدبلوماسية المغربية تحولات فتعاطيها مع المنتظم الدولي من خلال إبراز أن الدول الإفريقية وغيرها خاصها تعبر على موقفها المؤيد لمغربية الصحرا ماشي دعم مبادرة الحكم الذاتي فقط. هاد التصريح لي قالو بوريطة خلال افتتاح إحدى القنصليات الإفريقية بالعيون ما شفنا منو والو وغا هدرة تقالت فخضم البهرجة لي كيدير فكل زيارة للعيون.

بوريطو كيبيع الوهم  للشعب المغربي ولساكنة الصحرا. فين موضوع الصحرا من هاد المنتدى وفين مواقف هاد البلدان الميكروسكوبية من قضية الصحرا. هاد الزوار ما عبرو حتى على دعمهم للوحدة الترابية فما بالك بتاكيد مغربية الصحرا. جاو للعيون يديرو مؤتمر هوما لي رابحين منو كثر من المغرب لا شعب رابح لا ساكنة محلية ديال الصحرا وزايدينها بالتغيرات المناخية. لمغاربة خاصهم دفاع عن قضية وطنية ويشوفو بلادهوم متطورة وفشكل ما عندهم ما يديرو بالتغير المناخي.

عيب بحال هاد المؤتمرات ديرهم الخارجية وعيب يكون ردنا على استفزازات البوليساريو ف 27 فبراير بهاد الشكل المخجل. خاص بزااااف يتبدل الى بغينا نوصلو لتسوية فقضية الصحرا وخاص بزاف ديال الناس لي بحال بوريطة يطيرو من بلايصهوم لانهم ما قدمو والو وخدمتهم مشات فقط فكراهية النسا والحقد عليهم وبدل ما يدافعو على القضية الوطنية حاربو ناس كفأة بحال شفيقة الهبطي وخلقو مشاكل داخلية فالوزارة.

بحال هاد المؤتمرات راه ما كافيش فيها الرسائل غير المباشرة. خاص الديريكت كيف كان كيسوق بوريطة بالكدوب. راه كيف قلتي فالتصريحات راه خاص موقف واضح ودعم لمغربية الصحرا ماشي يجيو دول تعدادها السكاني تحت 100 ألف ولي ما عندها دور فالمنتظم الدولي للعيون ونكتافيو بالرسائل لي ما عندها حتى شي دور.

موضوعات أخرى

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه