وكالات //

كشفات نقابة الأطباء في مصر، مصير الطبيب المتسبب في أزمة الفنانة ياسمين عبد العزيز، اللي في كومة هادي يوماين.

وقال عضو مجلس نقابة الأطباء في مصر إبراهيم الزيات، في تصريحات صحافية: “في حالة إثبات أن هادشي اللي وقع مع الفنانة ياسمين عبدالعزيز هو خطأ طبي، غادي يتحاسب الطبيب بكل الطرق، سواء بالقانون في النيابة العامة، أو في النقابة”.

وشدد الزيات على أن الحساب يشمل جميع الأطباء كيفما بغا يكونو، والعقاب كايكون متفاوت توصل حتى أنه يتمنع من مزاولة الخدمة ديالو.

و علق عدد من المصريين أن هاد الكلام على العقاب و الحساب جا فقط لأن الضحية هنا ممثلة معروفة وعندها مكانة فالبلاد وأيضا عندها اللي يتكلم عليها، ولكن في المقابل كاينة بزاف من الحالات ديال الأخطاء الطبية في مصر كاتدوز بحال إيلا ماوقع والو و ماكاين لا محاسبة ولاهم يحزنون لأن الضحايا في الغالب كايكونو من المزاليط و كاتمشي على عينيهم ضبابة، حسب قولهم.