كود سعيد الشاوي الرباط ///

ها وكالة دولية كدافع على الحكومة مزيان بزاف وحسن من هاداك الناطق الرسمي اللي ما صالح لوالو. ستاندار اند بورز حافظات على تنقيط المغرب =بي بي زائد= اي دارتنا فخانة “مستقرة”. هاد الوكالة للتصنيف الائتماني اشادت ب”الاصلاحات الهيكلية بالمغرب” وقالت فتقريرها الفصلي لمارس ان هاد الاصلاحات “كتفتح الطريق تدريجيا لاقتصاد اندماجي”

الاقتصاد المغربي قاوم عدد من الصدمات الجهوية والدولية خلال العشرين سنة الاخيرة يشرح تقريرها٬ واضافت هاد الوكالة اللي كتنقطك وعليها كيتحدد نسب وامكانيات القروض من المؤسسات الدولية٬ ان هاد الشي تم مع الحفاظ على ولوج المملكة للتمويلات الداخلية والخارجية

الوكالة اللي مقرها فنيويورك وتعد من اهم الوكالات فالعالم المتخصصة فتقييم السياسات المالية للدول٬ قال ان المغرب وضع من اولوياته كذلك سلسلة اصلاحات لدعم المقاولات٬ وفي نفس الوقت التزم باعادة شاملة لنظام الحماية الاجتماعية لتشمل التغطية الصحية

كما شدد على افاق النمو الواعدة بالمغرب كتدعمها اصلاحات هيكلية بدات فالتطبيق مع خيارات اقتصادية واستثمارية متنوعة

كما كشف ان الانتاج الداخلي الخام للمغرب غادي يوصل ل3.5 بالمائة ف2023 ول3.4 بالمائة ف2024 و2026

وقالت الوكالة ان ارتفاع هاد الانتاج الداخلي الخام ب3،5 بالمائة غادي يكون مدعوم باقلاع فالانتاج والاداء القوي للقطاعات الرئيسية بالمغرب الموجهة للتصدير بما فيها السياحة والفوسفاط وصناعة السيارات وقطاع الطيران

كما توقعت الوكالة انخفاض تدريجي للتضخم اذ لن يتعدى 4.5 فالمائة هاد العام وتوقعت ان يسجل انخفاضا اكثر ف2026 وغادي يوصل ل2 بالمائة

وكانت نفس الوكالة فهاد التقرير عدلات نظرتها المستقبلية لتركيا الى “سلبية” بعد ما كانت مستقرة”.

هاد الشي اللي تقال على لبلاد مزيان. غاديين مزيان فوضعية مقودة. دابا هاداك الناطق الرسمي باسم الحكومة واسمو بيتاس مصطفى علاش كيصلح. علاش ما كيعرفش يدافع على الحكومة بل كيعطي عليها صورة سلبية من طريقتو الغبية فالتواصل