عفراء علوي محمدي- كود//
قررات السلطات بإقليم المضيق الفنيدق سدان مدينة المضيق لمدة 15 ليوم، ابتداء من اليوم السبت.
ودابا غيولي الدخول والخروج من المدينة بالرخصة ديال التنقل الاستثنائي، كيف غيتم تشديد الاجراءات الاحترازية والوقائية فالمدينة لمنع انتشار فيروس كورونا المستجد.
وتقرر يسدو أسواق القرب مع 6 دالعشية، والمحلات التجارية والقهاوي والمطاعم مع 10 دالليل.
وجات هذ القرارات بعد اجتماع تدار فباشوية المضيق، اللي شافت من خلالو السلطات أن الإصابات ارتفعات مؤخرا فالمدينة وخاص ضروري الحل.
