كود مدريد ////

علمت “كود” ان وزارة الخارجية والتعاون اللي كيسيرها ناصر بوريطة كاره لعيالات المستقلات خلات اللي فيدها وداتها فامر تافه ما عندها علاقة بيه. البارح باش جات الملكة ليتيسيا للرواق المغربي وبقات قدامو شي 5 دقايق ما خلاوش اللبار برلماني البام رئيس المجلس الجهوي للسياحة لجهة فاس مكناس. رجعوه وقبلها واخا من بعد سلم علي الملكة كيف قال فحوار مع “كود” وقدم ليها هدايا مشابهة تقريبا لهدايا كان قدمها للملك خوان كارلوس واللي 6 اشهر وهما كيوجدو فيهم الصناع التقليديين بفاس.

المهم هو اللبار احتج حتى مشات الملكة على ما عتابرو طريقة ماشي لبقة ديال شي مستشار بالسفارة المغربية بمدريد.

وسالى الفيلم. غير وفق مصدر ل”كود” فان الخارجية بدات كتاصل كتسول وهدرات مع اللي كيعرف اللبار من عندها.

هادي وقاحة كبيرة من وزارة بوريطة اللي وصل للبوسط غير حقاش ولد الخارجية اللي ما عندوش تمثيلية شعبية ما داز من احزاب ما ممثل احزاب فالحكومة بل كيحاربهم كيف تم ابعاد رضى بنخلدون من سفارة المغرب فماليزيا. اه حقاش تلاقى مع العدل والاحسان. راه الدولة كلها فالمغرب كتلاقاهم فين المشكل ايلي كان هاد الشي اللي نفاه هو.

اذن هاد الوزارة ما محتارماش لا متنخب لا غيرو. نتيجة طبيعية باش تعطي سلطة كبيرة لكاره النساء