كود الرباط//
لبارح السبت دار خرق جديد لحالة الطوارئ الصحية، غير هاد المرة البطل ديال الخرق وزيرة إعداد التراب الوطني والتعمير والإسكان وسياسة المدينة ، نزهة بوشارب، اللي نظمت حفل على شرف فيدرالية الوكالات الحضرية.

القصة وما فيها حسب فيديو تسرب ل”كود”، هو ان البارح السبت كان عدد الحاضرين فالحفل لي نظمتو وزارة بوشارب فالصويرة، فايت 50 شخص.

طبعا الفيديو فيه حفلة بالموسيقى قدمتو فرقة غنائية من فاس.
المجلس الحكومي كل خميس، للي كتحضر ليه الوزيرة الحركية بوشارب، ديما كيوصي باحترام الاجراءات الاحترازية، لكن هاد الفيديو فضح شعارات الحكومة وتوصياتها.
قبل ايام تم توقيف فنانين ورجال اعمال حيث شاركو ف تجمعات وسهرات مافيهاش احترام الاجراءات الاحترازية لمواجهة فيروس كورونا خصوصا مع الانتشار الخطير للسلالات الجديدة