عصابة ديال الفلاحين المتعصبين طاحت ف إِلِخِيدُو بإسبانيا.. وتقارير كترجح علاقتهم بمحاولة إحراق مستودع لتخزين الديسير والخضرا المغربية
أحمد الطيب – كود – الرباط //
وزير السياحة السابق، لحسن حداد، متهم بالهريف على فلوس على تريتور معروف فكازا. حسب مصادر “كَود”، فإن الاستقلالي حداد دار عرس كبير لبنتو “صوفيا” هادي سنوات لكنه هرف على التريتور فرزقو. العرس دوزو فيه شي 3 أيام. كيتسالو وفق مصدر “كود” 65 مليون سنتيم.
وقالت مصادر ل”كود” اكدات ان هاد لكن الأخير رفض يخلصها. وأشارت المصادر إلى أن التريتور مشا للدار فين كرن ساكن حداد فالرباط وتفاجأ بللي مابقاش فيها ودبا كيحاول يتواصل معاه وكيعيط عليه ولكن ما كيجاوبش. قبل كان وعدو يتلاقاو فاوطيل ووالو.
في مقابل ذلك، عيطات “كَود” للوزير السابق لحسن حداد لكن يبدو أنه تهرب وقال بالحرف: “أنا معارفش هاد المناسبة اللي كتسولوني عليها ودبا معايا الناس. دبا نرجع نتاصل بيكوم”. ولاحقا عاودات “كَود” اتاصلات بيه لكنه رفض يجاوب.
اخر ما كاين فهاد الفيلم٬ وفق مصدر “كود”٬ فان التريتور الكازاوي مشى عند كمال لحلو اللي مخدم حداد فالراديو.
تصورو واحد ينظر يوميا فحوايج كثيرة دار عرس وهربان للتريتور. علاش هاد العرس كاع وخلي النسيب يتكلف