شرع اليد فدولة مزال خدامة بقانون ليوطي “الرجعي”.. اعتداء على “مفطر رمضان” مقطوع رجع النقاش للتخلف القانوني فبلادنا
كود كازا ///
رحيل مفاجئ هاد الصباح لاحد وجوه الصحافة المستقلة رجل الاعمال فاضل العراقي اللي كان احد مؤسسي “لوجورنال”. وفق مصدر “كود” تصاب بوعكة صحية ومشى لمستشفى الشيخ خليفة وتوفى هاد الصباح.
وفاة صادمة فهاد الوقت. زمن “كورونا فيروس” حتى حد من غير جوج صحابو اللي حاضرين الصحافي مراد بورجة ورجل الاعمال ايت منة.
اليوم مع لطناش غاديين يدفنوه فالشهدا فكازا. ممنوع يحضر اكثر من 9 الاشخاص. والده اللي كان على رأس مؤسسة الوسيط بسبب السن موحالش يقدر يحضر.
العراقي رجل اعمال فشي شكل. خلص على مواقفو وعانات مشاريعو. معروف عليه جمع اللوحات الفنية والتحف. احد اكبر مجمعي هاد الفن بالمغرب. كان كيعاني من مشاكل صحية ولكن هاد الشي ما خلاش يعيش حياتو كيف عاشها ديما. عاشق لكل ما هو رفيع وجميل.
ظلت علاقته قوية جدا بصديقه بوبكر الجامعي. ديما كانو يتلاقاو باش كيكون بوبكر فالمغرب عند “القباج”.
رحيل فشي شكل فهاد الوقت لرجل اعمال بوهيمي.