كود مكتب الرباط ///
نشرت سفارة الولايات المتحدة الامريكية صورة حديثة لسفيرها بالرباط بوش الذي بدا في غاية التركيز وهو يمسك الطنجرة المغربية المخصصة للحريرة وصحون التوابل تحيط بها، وفي الصورة سفيرة الطبخ المغربية خديجة بنسديرة إحدى حكام برنامج الطبخ ماستر شاف.
كلشي دارو ليه اخراج بعناية كبيرة. عندهم مع السينما: مواعن ديال لحريرة وطباخة كتبان مغربية ماشي حقاش مشاركة فهاداك البرنامج اللي دخل لدوزيم بطرق ملتوية لان مالينو واصلين وكيخلعو بحال سليم الشيخ، كما ان السفير محزم ومركز. هاد الشي كلو غير تواصل ومحاولة ربح قلب المغاربة. هادي فترة قصيرة دارت الخارجية الامريكية تقرير خايب على المغرب. صايباتو اعتمادا على تقارير سفيرها هنا.
لمغرب خواف ما قدرتش حتى يدر عليهم بحال مصر اللي حيحات واخا سجلها فحقوق الانسان كارثي. المغرب حاني الرأس، مخلي أمثال بوش يديرو ما بغاو ويتبوردو
وقد علق البعض على خروج بوش بهذه الصورة وفي هذا الوقت برغبة هذا السفير في مشاركة المغاربة هذا الشهر ولو بإعداد الحريرة، فيما ذهب آخرون الى أنها طريقة جديدة للتواصل السياسي.
