23/04/2024 14:39
التعليم رجع كيغلي فوق صفيح ساخن. ملف الأساتذة الموقفين غادي بالقطاع لأزمة جديدة وسط رفض نقابي لتوقيع عقوبات ضدهم
كود – عن lalibre.be//
بان مدير مستشفى فتونس، ففيديو تبارطاجا على نطاق واسع على مواقع التواصل الاجتماعي، كيبكي بحرقة، حيت مابقاش عندهم الأكسيجين فالسبيطار.
هذا مدير ديال سبيطار كاين فمدينة ماطر، فشمال غرب تونس، تسالا فيه الأكسجين وهو هاز تقريبا 40 مريض بفيروس كورونا المستجد (كوفيد- 19)، والإمدادات ديال الاكسجين اللي كتعطى لهذ السبيطار قليلة بزاف.
بسباب هذشي السيد ماقدرش يصبر، وبدا يبكي ويشكي قدام كاميرا صحافي محلي، من بعد ما تسنى بزاف الكاميو ديال الأكسجين اللي تعطل بزاف.
The director of the local public hospital of Mateur (NW of #Tunisia) is literally crying. They're running out of oxygen. There is a nationwide shortage of medical oxygen. The reserves of many hospitals can barely cover the next hours. pic.twitter.com/bnplRg6Fme
— Mohamed-Dhia Hammami – محمد ضياء الهمامي (@MedDhiaH) July 18, 2021
وقال الصحافي، فتصريح ل”لوباريزيان”: “وقع هذشي الأحد، بعد الظهور، وكانو عائلات المرضى كيتسناو برا، متلهفين يشوفو الأكسجين وصل، لكن ماجاش الكاميو، وبان لي المدير كيبكي ويقول أن الاكسجين ماكاينش كَاع فحتى بلاصة فالسبيطار، وأنه يقدر يخسر المرضى”.
وسيمانات دابا والوضعية الوبائية فتونس منهارة، مع محدودية حملة التلقيح بسباب النقص اللي كاين فالجرعات، بحيث يالاه تلقحو 4 فالمية من التونسيين، فالوقت اللي معدل العدوى مرتفع والموت كترات، بمتوسط 160 وفاة فاليوم.
وواخا كاين حضر التجوال والحجر، السبيطارات كطيح فتونس بالحالات الخطيرة، وهذشي علاش الأوكسيجين بدا يقلال نهار على نهار.
وسافطات شي بلدان، ومنهم المغرب، مساعدات طبية لتونس، ومن بينها الأكسجين.
