أنس العمري ـ كود//

لي كنتساينوهم يكونو نموذج فاحترام القانون هوما لي من بين أكثر الناس لي كيخرقوه. الصورة من شارع مقابل لمقر وزارة العدل بالرباط، حيث توثق لسيارة ديال البرلمان مركونة فوق الطروطوار، وأكثر من ذلك طلعها لدرجة سدات الممر أمام الراجلين فرصيف مصبوغ بالأحمر والأبيض.

دابا واحد داير بحال هاد السلوك آش تتساين منو، وأشمن صورة كيقدم على مؤسسات الدولة وموظفيها، وهو جاي حدا وزارة العدل وداير كعية كد راسو، كأنه كيكول بأنني ما هامني حد والقانون مكيسريش على بحالي.