كود هناء ابو علي ///
وزيرنا فالخارجية والتعاون اللي كيكره لعيالات اللي عندهم شخصية واللي باغي يدور بيه غير صحاب وصحافبات “سيدي مولاي”٬ عزيز عليه البراني. عزيز عليه صحافة الخارج. البارح بعد ما نشرات وزارة الخارجية والتعاون بيانها الغريب على اقصاء المغرب من مؤتمر برلين حول ليبيا٬ اتصل الوزير ب”فرانس 24” باش يعطيهم تصريح.
شوفو الفاهيم فالتواصل. مخلي قناة اخبارية مغربية بحال “ميدي 1 تي في” ومخلي قنوات القطب العمومي المغربية ومشى يستجدي يدوزو ليه تصريح. كيفاش هاد السيد ديما معاه فالانشطة الرسمية هاد القنوات وهو وزير خارجية المغرب ويمشي عند البراني.
اللي زوين هو عبرو عليه مزيان. فتصريحو اللي داز هاتفي دارو صورتو وصورة المغرب طبعا الصحرا مقطعة من خارطتو.
شفتي لفهامة كيف دايرة