سكرتيرة فالقنصلية المغربية بمورثيا رفعات دعوى قضائية بسباب “التحرش ف مكان العمل والطرد التعسفي” وها موقف محامي القنصلية من كلامها
كود الرباط//
قال وزير النقل واللوجستيك، محمد عبد الجليل، بأن نتائج امتحانات البيرمي فاليوم الأول كانت ضئيلة، مضيفا بلي للي سقطو فهاد الامتحان غادي تعطا ليهم فرصة بلا ما يتحسب ليهم امتحان الاثنين.
وأضاف عبد الجليل، اليوم الخميس، بلي: “امتحان باك أسئلة الحصول على رخصة السياقة للي تغير، هذا الامتحان الجديد هو ورش إصلاح منظومة تعليم السياقة وداخل ف الاستراتيجية الوطنية للسلامة الطرقية لسنة 2017 اللي فيها عدة محاور منها دعامة العنصر البشري (ورش التكوين، التحسيس، المراقبة).
وأكد الوزير بلي لي سقطو غايتعطا ليهم فرصة بلا ما يتحسب ليهم امتحان الاثنين، موضحا؛ “درنا تقييم وفعلا لقينا فين كاين الغلط وغادي نصححوه وغادي تكون نتائج مستقبلا إيجابية”.
وشدد الوزير بلي الهدف هو تقليص حوادث السير بالمغرب، لكن “الاستراتيجية الوطنية للسلامة الطرقية لي كان هدفها تقليص 50 في المائة من الوفيات في حوادث السير. موصلناش لهاد الهدف”.
وتابع: “بلادنا غير مطمئنة لمستوى حوادث نقل السير.. وتصنيف المغرب في السلامة الطرقية متأخر بحيث يوجد في الثلث الأخير. وبغينا نكونو ف الثلث الأول”.