كود : أسماء غربي//

قالت وسائل إعلام هولندية أن وزير الخارجية الهولندية غايجي للمغرب هاد الاسبوع وغايتلاقى مع بوريطة، وغايناقش معاه مجموعة ديال الملفات بين البلدين.

اللقاء لي غايكون بين ستيف بلوك وناصر بوريطة غايناقشو فيها الجانبان مشاكل الهجرة، ومحاربة الارهاب واتفاقيات تبادل المجرمين، بالاضافة إلى حراك الريف وحقوق الانسان.

ذات وسائل الاعلام قالت أن اللقاء مايمكنش مايهضرش فيه الثنائي على قضية سعيد شعو لي كان غايدير أزمة بين البلدين ومازال المغرب باغي يتسلمو من هولندا باش يحاكمو.