الرئيسية > آش واقع > وزهر عندنا هاد النهار وخاصنا نحميو ريوسنا من الدواعش فالساحل. ماكرون: برخان فالساحل سالات وجنودنا غيرجعو”
10/06/2021 16:45 آش واقع

وزهر عندنا هاد النهار وخاصنا نحميو ريوسنا من الدواعش فالساحل. ماكرون: برخان فالساحل سالات وجنودنا غيرجعو”

وزهر عندنا هاد النهار وخاصنا نحميو ريوسنا من الدواعش فالساحل. ماكرون: برخان فالساحل سالات وجنودنا غيرجعو”

كود كازا ///

خبار خايب جانا من الساحل. فرنسا قررات تنهي “بارخال”. الرئيس الفرنسي ايمانويل ماكرون دعا الى تشكيل قوة عسكرية جديدة تكون فبلاصة “برخال” الفرنسية فالساحل الافريقي

رئيس فرانسا كان هدد بهاد القرار بعد ما لمح الحاكم العسكري فمالي =اللي دار انقلاب= باللي باغي يتفاوض مع الدواعش اللي كاينين فالشمال.

هاد لخبار جا بعد ادانة البرلمان الاوربي لينا بسباب اطفال سبتة. دابا عندنا حكام الجزائر العسكريين ضدنا فالشرق ومضاربين مع اسبانيا فالشمال وجزء من الجنوب =لاس بالماس=. محاصرين وصافي

دابا هاد القرار راه كيهدد بشكل من الاشكال الامن القومي المغربي. الدواعش غاديين يقدرو يحكمو مناطق واسعة فالساحل الافريقي من التشاد حتى نيجيريا. دايرين ما بغاو وماشي بعيد يحدثو لكاع الدول بما فيها الجزائر وتونس وموريتانيا وحنا مشاكل كثيرة. القوات الفرنسية برخال كانت حابساهم شوية

دابا فانتظار قوات جديدة للي ما معروفش كيفاش غادية تشكل٬ الخطر على الامن القومي الوطني ارتافع

موضوعات أخرى

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه