يونس أفطيط – كود///

محمد أوجار حطاتو وزارتو فورطة جديدة، حيث كانت اعلنت انها غادير مباراة كتابية لكتاب الضبط لتأخذ منهم 150 واحد، سيخضعون لمقابلة شفوية باش تختار منهم 40 واحد، لي غايتوزعو ف عدد من قنصليات المغرب بأوروبا بحسب الاستحقاق.

لكن الشوهة هي أن المباراة الكتابة بينت أن عدد الحاصلين على المعدل فيها هو 35 فقط، ورغم ذلك قامت الوزارة باستدعاء عدد آخر يفوق المائة لاجتياز الشفوي، وهو ما صرح به مدير مركزي لعدد من المترشحين أثناء المقابلة الشفوية.

هادشي خلا وزارة العدل ف ورطة كبيرة حيث أول مرة كاتعمل مباراة كتابية ودارتها بالطريقة الكندية، وحطات للمرشحين 60 سؤال ف مختلف القوانين بحال إلى بغات تخرج منهم علماء كايفهمو ف الدنيا والدين، ودايرة لهم امتحانات ماكادار حتى للسفراء والقناصلة لي غايمشيو الربعين واحد يخدمو معهم.

ودابا الوزارة ما عرفاتش اشنو دير، حيث لي ما جاب المعدل ودوز الشفوي اشنو ايديرو معه؟ وزايدون ملي غاتقبل معدلات طايحة ف الكتابي علاش تدير المباراة من الأصل؟.

المهم وزارة أوجار تلفات لها الحلوفة، وحتى النتائج مازالا عاصرة عليها رغم انتهاء المقابلات الشفوية منذ أكثر من ثلاثة أيام، وخا الكتابي سرباو النتائج ديالو.