نجوى المالحي-كود//
وداد حكيمي خت الكوايري المغربي أشرف حكيمي دخلات عالم اليوتوب، وكشفات في الفيديو الأول ديالها على بعض المعلومات باش تزيد تقرب من المتتبعين ديالها وتحظى بالشهرة لي بغات.
وقالت وداد لي في عمرها 16 العام أنها كتحلم تولي محامية، وبغات ملي تكمل قرايتها في اسبانيا لي كتعيش فيها دابا تمشي تستاقر في لندن أو دبي.
الفيديو حقق 10 الاف مشاهدة في يوماين، وبزاف ديال الناس تفاعلو معاها وعجباتهم كيفاش كتدوي بالدارجة واخا معكلة، وبقاو كيسولوها أسئلة على خوها اشراف لي مشهور عالميا.
وكشفات وداد أنها كتحماق على الصيف، وكيعجبها تجي تعوم في البحورا ديال المغرب لي كيعجبوها بزاف وكيعجبها عامة دوز الوقت في بلادها.
