وكالات //

الأنانية عند بعض الناس زايدة بزاف وما عندهاش حدود، وهادشي بان مثلا فـ قصة ديال شخص تونسي عارف راسو مصاب بفيروس كورونا ومع ذلك عرض على الناس ودار العرس ديالو بحالا ماكين والو.

وكانت من بين الضحايا ديال هاد التصرف الأناني و الاستهتار، الأم ديالو اللي هزات الفيروس و بسباب مضاعفات إصابتها ماتت مباشرة من بعد العرس، وختو هزوها للانعاش وحالتها صعيبة.

العريس دابا في الحبس ومتهم بالقتل العمد وتعريض حياة الناس الدزاير للخطر.

هادشي وقع فـ تونس اللي مؤخرا الطايح فيها كثر من النايض بسباب انتشار كبير للسلالة الجديدة “دلطا” و فشل البلاد في تأمين الفاكسان ضد الفيروس قبل أن تنهار المنظومة الصحية فيها.. وتزادت هاد الأزمة لجملة من الكوارث والأزمات اللي كاتعيشها تونس وخاصة في السنوات الأخيرة، ومع ذلك باقي عدد من الناس مامسوقينش.