هناء ابو علي كود ///

البارح كانت الدورة الخامسة للجنة المشتركة لمتابعة اتفاق التبادل الحر بين المغرب والولايات المتحدة الأمريكية. اللقاء كيكون لمتابعة تنفيذ اتفاق التبادل الحر المبرم بين البلدين. نشوفو اش كتبات لاماب. قالت اللي كانت تحت رئاسة كاتبة الدولة لدى وزير الشؤون الخارجية والتعاون الدولي منية بوستة وكاتبة الدولة لدى وزير الصناعة والاستثمار والاقتصاد الرقمي المكلفة بالتجارة الخارجية رقية الدرهم والممثل المساعد للولايات المتحدة الامريكية في التجارة بأوربا والشرق الأوسط دانيال ميلاني.

واضاف “الاجتماع حضرته سفيرة المغرب في واشنطن جمالة العلوي.

هادي الهدرة. فيها الصواب واحترام البرتوكول. لكن الصورة اش كتقول. كتبان باللي السفيرة اهم من الوزيرة. شوفو فين جالسة. بروتوكوليا خاصها تكون فالجنب بعيدة والوزيرتين وحدة حدا وحدة. شكون عطى الحق لسفيرة كيف ما بغات تكون تاخد بلاصة ماشي ديالها ويكون علم المغرب قدامها. بروتوكوليا خاصو يكون قدام بوستة. النقطة الثانية هي كيفاش حضرات ميركان. الميريكان كيف الصورة كتبين جاو جوج لا ثالث لهما. وحنا المغرب جبنا بزاف على والو. علاش؟ حقاش ما فيديناش وصافي