كود كازا//

غادي يسجل التاريخ أن احتفالات ذكرى المسيرة الخضرا ديال هاد العام هي الأسوء، وأن أبو زعيتر گاعما كان موفق نهائيا فالتنظيم لي محطوطة فيه فلوس كثيرة وفي الأخير ماكين غير الفضايح.

إيوا أسيادي وسيداتي، من بعد التبهديلة لي دارت سلمى رشيد للنشيد الوطني، بانت مريم سعيد بنيفو ضعيف بزاف في الفرنسية ملي كانت كتحاور رونالدينيو لي كان من بين الضيوف.

مقدمة برنامج “تريندين” دوات بالفرنسية على الطريقة الخليجية المدردرة بشوية ديال الانجليزية.

يالالة ومالكي على هاد الحالة، ديك الساعة سوليه واخة غير بالاشارات نتي كاع، ومتبانيش في الفيديو، حطي في المونطاج الجواب ديالو بوحدو وها نت بيخير وعلى خير.

المهم، مريم واكلة الدق، وكلشي طانز عليها حيت داكشي كان ماشي هو هاداك.