وكالات //

بان ففيديو، شداتو كاميرا ديال طوموبيلة البوليس فولاية فيرمونت الميريكانية، كيفاش حاول راجل يمنع  ضباط من اعتقال ولدو باستخدام طراكس.

المعلومات اللي كاينة هي أن البوليس مشاو لدار  براندون تالمان (24 عاما) لاعتقاله لأنو متهم بالاعتداء على أحد الأشخاص، وفاللول خرجات ماماه اللي حيحات عليهم وبقات كتجر فولدها وكتبعدو عليهم، وموراها باه (واين تالمان) جا وركب على طراكس اللي كانت حدا دارهم وهجم بيها على البوليس وبدا كيهدد فيهم.

البوليس ماكانوش متوقعين هاد الهجوم وتفاجأو برد الفعل المجنون ديال أب الشاب المتهم اللي كانو جايين يشدوه.

دابا مابقاش غير الدري اللي كيواجه الحبس ولكن حتى مو وباه توجهات ليهم أيضا تهم جنائية.